fbpx
التراث الفلسطيني

نص انصيص والقصص في التراث

نص انصيص والقصص في التراث

أهمية القصص التراثية

القصص والمرويات المحكية جزء من التراث وهي جزء يجب الحفاظ عليه كما يجب الحفاظ على بقية عوامل التراث وكما يحافظ بقية الشعوب على رواياتهم وقصصهم التراثية و تبقى الشخصيات حية للاجيال القادمة

القصص والمرويات هي أداة لها عدة وظائف فهي من جانب للترفيه و من جانب آخر تزرع في نفسيتهم قيم و تترك آثاراهما في طريقة التفكير وفي نفس الوقت هي انعكاس عن الواقع وعن التغيرات الاقتصادية والاجتماعية كما أنها تحمل الأمل والتفاؤل للأطفال وفيها جانب تعويضي عما ينقصه من الواقع

تعالوا معنا نسمع قصة نص نصيص .

باقي من هان لهان هالزلمة عنده 12 ولد .وفي واحد فيهم اسمه نص انصيص .وكان اشطر واحد فيهم كان الهم عمه غولة . مرة راح الابو على الحج كال لولاده كل واحد يقولي شو اجيبله ونا راجع من الحج . فقالو لولاد واحد بدي فرس بيضة .وواحد فرس سمره .وواحد قال انا بدي فرس شهبه. ونص نصيص قال انا بدي جدي .

رجع الابو من الحج وجاب لكل واحد اللي طلبه . وقالو الاولاد بدنا انزور عمتنا الغولة كال ابوهم هذي بتوكلكم وبخاف عليكم منها. راحو كل واحد ركب على فرسه نص نصيص ركب الجدي . ظلو ماشيين توصلو الغولة ولما شافتهم من بعيد صارت تضحك عليهم وصارت تقول اهلا وسهلا بولاد اخي . اهلا وسهلا بولاد اخوي . واخدتهم على دارها ونامو وهي ظلت صاحية صارت تأشر عليهم وتقول هذا بدي اوكلو اليوم .واهذا بكره وكل واحد في يوم بدها توكله .

وهي قاعدة بتحكي مع حالها سمعها نص نصيص وصار بده يعمل خطة عشان ينقذ اخوته . قام من النوم وقال يا عمه انا بدي اشرب مي .قالتله : النبعه بعيدة من هان قلها :انا عطشان . اخدت الطاسة وراحت تعبي ولما ابعدت شويه . قوم اخوته وقلهم هذي عمتكم بدها توكلكم وكل واحد ركب فرسه .نص انصيص ركب الفرس وشردوا شافتهم من بعيد ورجعت ما ملتش ميه. ولحقتهم وركضت على هالجبل وصارت تعض اصابعها وتقول هم هم وصارت تقول الفرس البيضة اللي شربت من حليبي تعقب لورا . تخلصت على كل الخيول قالت الجدي اللي شرب من حليبي يعقب لورا .والجدي معقبش لانه مشربش من حليبها .وكل اخوة نص انصيص نطو اوراه ع ظهر الجدي .وصار الجدي يجري يجري لمنه وصل الدار فنزلو عنه . وصاريقول نص انصيص بدي اروح اجيب اواعي الغوله .اخد العرباية وراح ع دار الغوله والدنيا ليل ومعاه دبابيس وابر وراح ع اواعيها وصار يغزغز فيهن الابر والدبابيس . اجت الغولة بدها تنام وفرشت هالاواعي ونامت .

وهي نايمة الا وهالدبوس بغزها فقالت اخ .ورمت الفرشة وجابتوحده غيرها وصار نفس الشي فيها ورمت الاواعي في قاع البيت ، فاجى نص انصيص وقام الدبابيس منهن والابر واخدهن في العرباية ووداهن ع الدار .وبعدين قال بدي اروح اجيب جاجات الغوله وراح ع دار الغوله ودخل الخم .واخد جاجات الغوله وشرد فيهنوخلى الديك . صار الديك يقول كوك كوكو انص نصيص اخد الجاجات وخلاني . سمعته الغولة وقالت اسكت نص انصيص مش هانه. وبعدين الصبح راحت ع الجاج ملكتش ولا جاجة الا الديك .فقالتله انته باقي صح مش كذاب . ثاني يوم قال نص انصيص بدي اروح اجيب الديك. وراح وجاب الديك

النهاية

طيب قال في الاخير بدي اجيب الغوله بحالها . قالت امه لا يا مسخم يا ملطم . هالحين بتوكلك . كلها بس انتي اسكتي ولبس اواعي هالبياع واخد هالدبابيس وهالابر وهالمشوطه. وشوية حلاوة وقماش. وراح يبيع وصار يقول هيا البضايع هيا البضايع فسمعته الغوله وطلعت لتشتري . اجت قالتله اعطيني كيلو حلاوة قلها خشي جوا العرباية. دخلت العرباية من شان تطول الحلاوة فسكر الباب عليها وقلها انتي رايحه تموتي. فصارت تقول انا بعرضك يا ابن اخوي انا بحميك فمردش عليها وظل ماشي فيها توصل البلد وصار ينادي الي بحب الله يجيب حطب .يجيب كاز. تنحرك الغولة بعدين اجو هناس معهم حطب وكاز وحفرو حفرة ودبو الغولة فيها وحطو عليها حطب وكاز ولعو النار فيها وماتت الغوله …….. وطار الطير والله يمسيكم بالخير

مقالات ذات صلة

زر الذهاب إلى الأعلى