fbpx
التراث الفلسطيني

يا زريف الطول

يا زريف الطول

المقاومة والأغاني

شهدت فلسطين عصور من المقاومة . فهناك مقاومة الانتداب وبعدها مقاومة الاحتلال .وانعكس ذلك على الفن وعلى الأمثال وعلى تقاليد وعادات . هنا نتحدث عن احدى اغاني التراث الفلسطيني التي قد تكون من أشهر الأغاني . والتي تحكي عن شاب مقاوم و يقصد به كل من حمل السلاح في وجه الاحتلال

يقول الحكاء

“زريف الطول كان نجار وغريب عن القرية. كان اسمه فلسطيني، بس طوله كان سبب اسمه. خلوق ما برفع عينه في امرأة، وكان أبو حسن يعطيه أجره كل أسبوع. وما كان يعرف وين بروح فيه، بنات القرية حواليه وهو ولا هو هون. مرت المختار فصلت نملية، مشان تلفت نظره لبنتها.. وأم خليل مرت خطيب القرية فصلت عنده صندوق (أواعي) وحكتله عن بنتها. حتى الخطيب في خطبة الجمعة لمح للموضوع بس ما في فايدة”.

ويضيف الرواي: “في يوم هجموا قطعان اليهود على القرية. واستشهد 3 شباب، ثاني يوم غاب زريف الطول. ورجع بعد 4 أيام، رجع بالليل ما حدا شافه، بعد شهر رجعت قطعان اليهود. كان زريف الطول مشتري 5 بواريد وزعهن على شجعان القرية، قتلوا 6 يهود”.

“ثاني يوم القرية قامت وقعدت، النسوان باعن ذهبهن مشان الشباب تشتري بواريد. وصاروا يغنوا “يا عربي يا ابن المقرودة بيع أمك واشتري بارودة”. رجعت القطعان توخذ بالثأر وحصلت معركة مثلها ما صار، هرعوا الناس كبار صغار وفي كروم التفاح ريح الثورة نسّم وفاح، 

استشهد شباب كثير بس خسائر القطعان أكثر، جمعوا الشهداء،. زريف الطول مش معهم . بس الكل حلف يمين إنه شاف زريف الطول قتل أكثر من 20 يهوديًا. وكان يطخ ببارودتين وهو اللي سحب عمار وجهاد أولاد الأرملة من ساحة المعركة وهم جرحى والرصاص زي زخ المطر فوق رأسه. طوال الليل القرية دورت بالمشاعل على زريف الطول ما بين إله أثر”. 

وصار أغنية القرية

“ومرت الأيام، وصار أغنية القرية: 

يا زريف الطول وين رايح تروح بقلب بلادنا تعبقت الجروف

يا زريف الطول وقف تاقولك رايح عالغربة وفلسطين أحسنلك”

“بعدها بخمس سنين إبراهيم الحلاق حلف يمين إنه شاف زريف الطول مع عز الدين القسام في أحراش يعبد. وجهاد ابن الأرملة بقول شافه مع الحنيطي بدرب الثوار بيافا، أكيد مهو مش غشيم عنه، وكثير ناس حلفت إنه كان ببورسعيد مع جمال عبد الناصر، وعلى الوصف ناس شافوه بالكرامة على نهر الأردن بفجر دبابة بعد ما قطعت النهر، بس آخر مرة شافوه

ومن ثم يبقى سؤال؟ هو زريف الطول ما بموت؟ ليش هو الفلسطيني بموت”!

الأغنية

للاطلاع على المزيد من التراث الفلسطيني اضغط هنا

مقالات ذات صلة

زر الذهاب إلى الأعلى